مدحت خليفه
رئيس مجلس الادراة
 عدد المساهمات : 3265
نقاط : 30938
تاريخ التسجيل : 06/01/2010
العمر : 45
 تمام الحمد لله
 |  موضوع: " خلطبيطة " × رمضان !  السبت سبتمبر 04, 2010 4:13 am | |
|
التلفزيون
في شهر رمضان تلاقيه جايب من الشرق للغرب وبيفكرنى بالعروسة اللى عايزة
تحط فى وشها كل أنواع الماكياج لغاية مما بقت " خلطبيطة " على الأخر ..حاجة
كده شبه لعبة " الرغايين " القديمة . |
| | | 
|
ولان الواحد لما بيقعد قدام التلفزيون فى هذا الشهر الكريم بيحس بدوخة
ودوار واحيانا قيء وسعال بسبب اللخبطة والحشو اللى كتم على الانفاس ..
إمبارح مثلاً كان فيه ماتش للأهلي ومسلسلات في كل القنوات وبرامج رغم إن
العالم بيغلي من المشاكل اللي منعرفش عنها حاجة ، وعشان كده قلنا نفتكس
افتكاسة تلفزيونية رمضانية عبارة عن " نشرة أخبار " شعارها هو " سمك لبن
تمر هندي " وتم اعدادها في استاد القاهرة والمطبخ ومجلس الأمن وبرنامج ماما
سامية ... واللي مش هيفهم حاجة بلاش يزعل منا ، واللي هيفهم حاجة ياريت
يقول لنا فهم إيه !! .
سيداتى ساداتى نقدم لكم نشرة الأخبار ، وفى نشرتنا سنجد ... علبتين زبادى و
كيلو لبن وخمس خيارات ، وتروحى جايبه 5 لاعبين فى الدفاع و3 فى خط النص و 2
فى الهجوم ، وبيحكم مباراة النهاردة الكابتن جمال الغندور اللى نزل أرض
الملعب وقدامه .. عين البوتاجاز وتحطى عليها حلة وتروحى سايباها فى المغارة
..وبعدين يا حبايبى راح على بابا وسمسمه داخلين وهناك بقى لقوا .. قوات
مجلس الامن وأدان بشدة ما يحدث فى القدس ، كما أعلن رئيس وزراء اسرائيل إنه
...... حمار كبير قوي وراحوا راكبينه وطالعين على الغابة ولقوا هناك..
اللاعب الكبير.. اللاعب الكبير قوى ماشى بالكورة وهيعدى منه يا خسارة اتخدت
منه ووصلت للـ..........الفيل الكبير اللى راح ضارب الاشكيف وأمنا الغولة
وحطهم جوه ....الكنافه المحشية بالزبيب وجوز الهند وبعد كده نضع الشربات
…..على حسام عاشور اللى ماشى بالكورة وهيشوط ياخسارة …..باظت البصارة ، ما
أنا قلت لك ياستى ما تحطيش ملح كتير على الاكل عشان ما يعملش
...........زلازل وبراكين فى جنوب شرق آسيا مما ادى اللى .........هجوم
سلاحف النينجا….وهدف أكيد يضيع منه ويشوط اكرامى الكورة ويوصلها
لـ............ حلة الشوربة وتحطى فيها حتت الخيار والكوسة بعد ما تسلقيها
كويس وتحطيها على ..........كوسوفا حيث هاجم ميلوسوفيتش رئيس الصرب المجتمع
الدولى ووصف ما يحدث بانه ............كوسة وقبل ما تسويها لازم تحطيها
.............فى الجووون يا واد يا لعيب دى ما يحطهاش غير جدو صاحب القدم
الذهبية واللى بيفكرنا .......... بقرع العسل تحطيه على البوتاجاز …..كابتن
ماجد اللى خد بسام وراحوا يلعبوا ........... فى الفرن لمدة خمس دقايق و32
ثانية وبعدها تجيبى حله كبيره قوى قوى .. وتحطى فيها ...... بركات بيرقص
وبيدخل منطقة الجزاء لكن يخطف الكورة منه ..........أم على وبعد ما تحطى
عليها الشربات قدميها لجوزك .......ببوز الجزمة يا حبايبى بلاش نشوط الطوبة
في الشارع ..
وإلى هنا تنتهى نشرة الأخبار !
|
|
|
جمال راجح
المدير العام
عدد المساهمات : 627
نقاط : 16446
تاريخ التسجيل : 07/02/2010
العمر : 53
الحمد لله على كل شيء
| | موضوع: رد: " خلطبيطة " × رمضان ! السبت سبتمبر 04, 2010 10:36 am | |
| |
|
rem
مشرفة
 عدد المساهمات : 228
نقاط : 15294
تاريخ التسجيل : 08/08/2010
العمر : 31
عادى
| | موضوع: رد: " خلطبيطة " × رمضان ! الإثنين سبتمبر 06, 2010 2:07 am | |
| |
|
