مميزات الشعب المصري

المصري هو اللّي

بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره
ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد

بيشيل طابع البريد من على الظرف لو الختم ماكانش علي
بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه

برده بيتخانق ساعة دفع الحساب بحرارة شديدة على إنه هو اللي لازم يدفع ومبيدفعش

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

ههههههههههههههههههههه تسلم ايدك علي الموضوع الظريف ده

فعلا فيه كتير من الحقيقة ، اللهم الا ان كان كله الحقيقة هههههههههههه.

هههههههههههههههههههه تسلم ايديك جميلة

حقائق لايمكن ان ينكرها اى شخص فهى واقع

لاكن لى تعليق هذه الصفات فى الشعب المصرى مازالت افضل بكثير من صفات

لشعوب الارض قارن صفاتنا بصفات الاخرين وانت تلاحظ

ان كل هذه الصفات ليست سوء ولا فيها شيئ من الشر

اطلع على صفات الشعوب الاخرى ولاحظ الفرق

تحياتى لك وموفق باذن الله فى موضوعاتك

وبارك الله لك فيما كتبت على امل ان تناقش هذه الصفات

ومن الممكن ان تحل وتتلاشى بالمعرفه

بجد موضوع جميل وبعدين يا استاذ حماده هي حقيقة محدش

بيخجل منها بل العكس دي صفة فين تدل علي خير جوانا

مش في اي شعب تاني. الحمد لله ان احنا كده

الحمد لله رب العالمين على كل شيئ

والله يا جماعة الواقع بيقول كده ودى فعلا صفات موجودة فى الشعب المصرى ده طبعا غير السلبية والا مبالاة الى احنا عايشين فيها وشكرا على المرور

احنا يا جماعة شعب طيب ومن طيبتنا عشنا فى سلبية والكل بيضحك علينا سهل ياريت نتغير يا جماعة

مميزات الشعب المصري

مميزات الشعب المصري

مواضيع مماثلة

مواضيع مماثلة