كبر ال جي وروق ال دي وهات قفاك اطرئعلك عليه

peace=قشطة ياباشا=cool=o.k=
كل ده تلاقي الشباب لو هبتفقوا على ميعاد يقولك peace؟ليه واخد ميعاد مع هتلر
وكمان يقولك خليك cool-هو انا شايط يابن الباردة
مع العلم ان ممكن نص الشباب ميعرفشي معناها او معنى الكلام الانجليش اللي بيقولة بس هو بيقوله بس ع اساس انه واد فانكي والمعجبات كتير كتير.وواجهة اجتماعية
زي مابقول بيطرطرش عنجليزي
لان ده امريكاني شبابي مش تبع اللغة الانجليزية الاكسفوردية العتيقة.
سيبك تلاقي الشاب يقولك هه نستناك؟يرد عليك كبر ال جي وروق ال دي وهات قفاك اطرئعلك عليه Icon_surprised .k
طيب ماتقول ماشي او ان شاء الله مايمكن عربية تدهسك
ولا البنات تلاقيهم يقولولك :لقيت حاجة ياييييييييييي -original خالص
او fantastic
يانهار اسود ومنيل ليه لقيتي التايهة ياولية.يخرب بيت التليفزيزن ع اللي بيتلفزوا عليه
وكمان كلمة ماشية زي النار في الهشيم يقولك اصلا :الحوار ده مش عاجبي؟وعاملى حوار
الف سلامة عليك عندك صداع -يعني ليه كده؟
والبنات يقولولك:عادي
بتستفزني الكلمة ديه ع فكرة !!!
بجد
اّه
طيب:عادي-عادي-عادي
وكمان تلاقي واحدة حلوة بدل مانقول جميلة يقولك وهو بيريل:البنت ديه 100%-عسلية-قشطة
قشطة؟يا ابن الجاموسة ماعلينا
او مزة-ع اساس انها بيرة
والبنات كمان يقولولك الواد ده مز
طيب هو يعني عشان مزة مؤنث يبقى لازم فيه مذكر
واي حد يقابالك يقولك ya man
يخرب بيت النت ع النتيتة ع اللي ينتتوا علية
الفرانك عرب بهدل الدنيا .
واول ماتخلص مكالمة بدل سلام او لاأله الا الله زي الزمن الجميل تلاقي الواحد او البنات عموما يقولولك:يلا باي
ولو بتعزك اوي تفقعك كذا باي باي توديك ورا الشمس
والشباب المثقف اوي يقولك c.u
وكمان يقولك كبر الgوروق الd
g=جمجة
طيب مايمكن g=جزمة او لكلوك صغير ع حسب
d=دماغ
برضة يمكنd=دزمة م البلد اللى بينطقوا ال ج دال
او لكلوك كبير المرة دي
مش عارف لازمتها ايه الكلمة ديه بسلاطتتها ببابا غنوجها ؟
انا بتكلم كده ليه -شكلى اتعديت من hهيثم دبور
sorry ya gama3a
انا تقلت عليكو وtake care كلكم وc.u قريب وكل حاجة تبقى peaceوعلى رنات بقى bye bye

وللحديث بقية

الواضح يا اسبيدى انك معبى زى ما بيقولوا بس ايش نسوى دى سنة الحياة
وكما قال المثل ( لكل زمان رجاله ) وهؤلاء هم رجال هذا الزمان مشكور على الموضوع ولك تحياتى بس يا ريت تخف انت من النجليش شوية
دا حتى مزاجك كاتبه انجليش باى بااااااااااااى

شكرا يا محمد على التوضيح وفعلا ده شائع جدا دلوقتى

بين اغلبيه طبقات الشباب وخصوصا النشئ الجديد

لكن اتمنى ان تنقرض هذه الظاهره لان فيها تهميش لهويتنا العربيه و الإسلاميه

وكل واحد اصبح ده اسلوبه فى الكلام يبدا يغر وعندنا لغتنا العربيه جميله ومليئه بكلمات ومفردات لغويه غايه وقمه فى التهذيب والرقه والسهوله والبساطه

اكرر شكرى لك

شكرا للأستاذ جمال راجح ع اللإفادة ولكن cool في اللغة الأنجليزية عكس tender ومعلشي كل واحد وعلامه.طبعا بهزر-عموما شكرا مرة تانية ياأستاذ جمال

كبر ال جي وروق ال دي وهات قفاك اطرئعلك عليه

كبر ال جي وروق ال دي وهات قفاك اطرئعلك عليه

مواضيع مماثلة

مواضيع مماثلة