اعجاب وحزن شديد

موضوع: اعجاب وحزن شديد الأحد أبريل 11, 2010 7:51 pm

السلام عليكم ورحمة الله وبركاتة
اولا احب بجد اشكر كل القائمين على هذا الموقع لللبد
انا متابع الموقع اكتر من شهرين بس للاسف لم استطيع التسجيل لعدم خبرتى فى ده
لانى اول مرة اشترك فى منتديات
بس حبيت اسجل واشارك لانى
عندى كلام عاوز اقوله بجد
حقيقى شكرا كثيرا لكل من ساهم فى هذا المنتدى وعمله
انا بدخل اعرف اخبار البلد كلها من عليه واهلى يتفاجوا نى عارف ده قبلهم وساعت انا اللى بعرفهم
كفايه انه مجمع كل فئات الاشخاص من البلد وغيرها
اما الحزن الشديد
عند تحدثى مع احد الاصدقاء
وبكلمه عن الموقع قالى فيه واحد تانى للبلد
دخلت عليه
بجد حزنت جدا
وهو الموقع اللى عمله المهندس وائل الحناوى
انا مش شايف له اى هدف غير تفرقه الناس وتشتيتهم
وحقدا اسودا
هذا ليس فى شخص الاستاذ واءل انما على هذا العمل الغير لائق
لانه معملش حاجه جديده غير انه نسخه من هذا الموقع
ولو حتى فيه جديد
المفروض يكون فى هدف واحد ليكوا
هو يافرحتى انى للبلد مواقع على النت ومحدش بيدخل فيها
طيب انا زى ماعمل الاستاذ وائل موقع
احباب المنشاة الكبرى
وراح وراه اشخاص من البلد يساعدوه
انا كمان بعد لما ينتشر شويه هعمل منتدى اخر للبلد واسميه
اصدقاء المنشاة الكبرى
وبعد مابتاعى يتنشر هيطلع واحد يحقد عليا ويعمل واحد ويقول اشمعنا انا
انا بجد مضايق جدا من الموقف ده ولا هو علشان فى تخصص الكومبيوتر وازاى حد غير فلان اللى يعمل ده
واللى انا شايفه انى ده لمصلحه شخصيه مش اكتر
والحاقدين على الناجح وراه ودول اللى يهمهم التفرقه مش الوحده
ياعالم بعد ماقولنا لينا صوت وهنشارك والشباب وكل البلد هتدخل تتجمع فى مكان واحد
تشتتوا الناس
انا لاملك سوى
لاحول ولا قوة الا بالله

الى العضو الطير المهاجر

شكرا على رايك

لكنى اريد ان اوضح لك بعض الاخطاء فى موضوعك

اولا انا صاحب المنتدى التانى والمهندس وائل بيشاركنى فى الاداره

ثانيا

ايه الحقد الى انت بتتكلم عليه

هل انت تعلم كام منتدى موجود على النت

كتيييييييييييييييييييييييييييير جدا

هى باه المشكله انه على اسم بلدى وبلدك

مين الى بيحقد

وهات موضوع واحد متكرر فى المنتدى التانى

وبعدين

انا اكتر واحد متواجد فى المنتدى دى لان بتاع الجميع

ياسيدى ياعنى لو غيرته وشيلت اسم بلدى يبقى قده مش حقد

الغلط مش فى اسم البلد لكن الغلط فى الى بيحقد على اسم البلد

بالنسبه لتشابه الرابط

تم تغغير الرابط

طيب ما فى منتدى كفر شكر

وياعنى محدش هيعمل متندى للبلد تانى هيتعمل

وانا هشارك فيه وهدخل فيه

دى بيعمل تنافس جميل بين المنتديات

وانا اسف للاستاذ محمد صفوت على تعليقى لكنى كنت اريد توضيح الامور

تقبولوا اسفى

ومع احترامى للجميع

مش من المفروض قبل ما تهاجم حد بدل ما تكتب الطير المهاجر تكتب اسمك ولا دى عيب اننا نعرف اسمك

الى العضو الطير الحاااااااااااااقد

اولا اذا كانت مرحلتك العمريه كما مكتوب فى اشتراكك 44 عام

فياسفنى فى البدايه ان رجل بلغ الى هذا السن ولا يعرف انتقاء الكلمات الجيده

او بمعنى اوضح يكون سليط اللسان

وبما انك قمت باتهامى بالحاقد وما شابه من كلامتك فهى تسيىء اليك قبل ما تسىء الى

فانا يامن يدعى التنور ويا صاحب العقل الرشيد الم ترى اننى عضو هناك بدرجه مدير عام للمنتدى وكذلك نفس الرتبه هنا

ولست مؤسس المنتدى وقد تفضل اخى احمد بذكر ذلك فقد طلب منى الاشراف عنده وانا لا اتاخر عن احد وهذا مثل ما حدث ايضا فى بدايه الامر مع اخى محمد صفوت

واذا كان هناك موقع ثالث او رابع وتم طلب ذلك منى فلن اتاخر هذا كله يوضح انه لا يوجد لب لديك للتعامل مع الناس

يجب عليك اولا قبل طرح اى موضوع ان تتعلم كيف تكون مهذبا مع اى شخص كائنا من كان

وايضا لم تشرفنا بمعرفه اسمك ام انك تستحى او يصيبك الخجل من ذكر اسمك ؟؟؟؟؟؟؟؟؟؟

وفى النهايه انا اكن كل الاحترام والتقدير الى المنتدين الاثنين وانا مستمر فيها ان شاء الله رغم مزاعمك ايها الحاقد

[b]

اخى الفاضل
الطير المهاجر
اولا لو كنت بتدخل على المنتدى اكتر من شهرين كنت عرفت انى الكلام فى الموضوع ده اتقفل اكتر من مرة
وكما قال لك اخى وائل هذا ليس اسلوب فى الحوار والتناقش
وانا ارسلت ليك هذا على الخاص
وطلبت منك تعرفنا على شخصيتك الحقيقيه
وتتكلم بكل وضوح
وشااكرين ليك على غضبك الشديد لصالح منتدانا ولكن هذا لن يجدى شيئا
احنا العمل ده لصالح البلد مش اكتروحتى لو فيه منتدى وعشره ومليون للبلد
فااى عمل بيكون لصالح البلد منفعها ليها
اذا كان كلامك ده علشان
المنتدى الاخر اتعمل بعدمنتدى المنشاة الكبرى وقولت عليه حقدا اسود
فاده حريه شخصيه والاخ احمد سالم شايف ده لصالح البلد ومقتنع بيه دى حريته
وانتا لو مقتنع انك هتعمل منتدى اللى قولت عليه وشايف مصلحه للبد اعمل
وكذلك غيرك
والحريه للجميع فى عمل اى شئ
وكلنا متقابلين ده
ارجو منك
كتابه اسمك وتتحدث معانا والاعتذار للمهندس وائل لانه ليس رئيس المنتدى الاخر كما ذكرت
تقبل مرورى

شكرا يامحمد على كلامك الجميل

واسفى على كلامى

انا مفهمتش غلط يابشمهندس
وان كنت انت صاحب المنتدى الثانى اما لا
المفروض انك متخصص فى مجال الكومبيوتر وعالم الانترنت
يعنى وجود موقعين بيحملوا نفس الاقسام ولهدف واحد بس اشك فى ده
اكيد ولا واحد فيهم هيكون ليه تأثير
ومافيش حد هيستفاد من الاتنين
منتدى كفر شكر اللى بيتكلم عليه الاخ احمد سالم
لايوجد غيره علشان كده له صدى وتاثير
وعلى ماسمعت كان فيه مشكله فى كفر شكر بين ضابط وشخص والمنتدى السببب الرئيسى لوصول الموضوع الى اعلى مسئول
ليه ده
لان مطلعش واحد منهم فجأة وقال اشمعنا انا وعمل موقع لوحده علشان يتقال ده فلان عمل موقع
سيدى الفاضل ده حقد او لهدف شخصى ليس الا
وطول مافيه ده فى البلد ولا عمرنا هنرتقى
بتقول تنافس شريف
تنافس ايه هو احنا فى حرب
الاغرب من ذلك
لقيت المهندس وائل مدير عام هنا وهناك
والاخ احمد مشرف هنا
طالما انتوا عملتوا موقع وبتذعموا انه لخدمة البلد زى ده اللى له تاثير مع الناس
اطلبوا بوقف عضويتكوا من هنا وخليكوا فى منتداكوا
على الاقل لما حد يدخل عندكوا
يقول ده فكر جديد
مش فكر منسوخ
متناقضوش نفسكوا ولاتضحكوا علينا وتقولوا
البلد وهنفضل هنا وهناك
خلوا القائمين على هذا المنتدى
واخص بالذكر
محمد صفوت
مدحت حافظ
ياسر خاطر
حماده خاطر
يكملوا العمل اللى كلنا اسعدنا بيه وساعد ابناء البلد المغتربين فى معرفت كل شئ عن احوال البلد
والتخفيف عنا الم الغربه
والاستاذ محمد صفوت بيقولى اعتذر للاستاذ وائل
انا ايوة كنت فاهم انه هو صاحب المنتدى التانى
بس مش هتفرق صاحبه ولا من الادارة
لانه تناقض
المنتدى الاخر وانا متعمد اقول الاخر وليس اى اسم لانه ليس لخدمة البلد
بل لمصلحة شخصيه
نفس اقسام ومواضيع منتدى المنشاة الكبرى
الاستاذ احمد اللى بيقول مافيش نسخ كلنا مش لسه مبتداين علشان يضحك علينا بكلمه
اقسام المنتدى كلها نفسها اقسام هذا المنتدى
واخيرا
لا املك سوى
لاحول ولا قوة الا بالله

لا اله الا الله

والله انا مش فاهم انت ليه حاقد فى كلامك

يا اخى بدل ما تناقضنا

اكتب موضوع مفيد

وبعدين مش انتا الى تقول انا اخرج من المنتدى دى ولا

انا بجد مش لا قى كلام اقوله

غير ان ربنا يكرمك

وبعدين قولى كده قين الاقسام الى متشابه انت مش بتعرف تقرى وادخل كده وشوف الموضوعات كلها مختلفه

وبعدين ياسيدى الفاضل انت مشكلتك ان اسم البلد الى تعبك اوى

اعتبره مش باسم البلد ياعم

منتدى الاحباب

وريح الجميع انت عايز تدخل تستفيد من هنا ادخل عايز تستفيد من الاخر ذى ما انت بتقول ادخل

و لا انت فاضى ومافيش حاجه تشغلك فبتدور على حورات ونقاشات وخلاص

وبعدين منتدى كفر شكر دى مش منتدى مجانى

ولما تتكلم متقلش سمعت ولا قالوا ادخل وابحث وشوف اقسام وموضوعات المنتدى التانى مختلفه تماما

وشكرا اخى الحاقد

بعد الإطلاع على كلماتك ايها الطير المهاجر يتضح انك

1- لا يوجد عندك اسلوب فى الحوار

2- انك حديث السن وتدخل تحت اسم مستعار

3- ليس عندك شجاعه كافيه لاخبارنك بهويتك

4- تحب الجدال الهدام وليس البناء

ملحوظه

قد قررت عدم الردود على كلماتك حتى تصل الى مرحله النضوج الفكرى السليم للتناقش والحوار

........................................................................................

والله العظيم انا هنا بالخارج وقخور جدا بيكم كلكم وعلى راى الطير المهاجر فعلا انتم خلتوانا عليشين وسطكم
بس معلش يا باشمهندس وائل والاخ احمد سالم والاخ محمد صفوت وكلكم بلاش تردوا على نقد ليكم ايا ان كان باسلوب يماثل اللى انتم زعلتم منه وانتم عارفين ان الشجرة المثمرة الناس بتحدفها بالطوب انا معرفش المنتدى التانى وانا هنا فى لارناكا التابعة لقبرص اليونانيه وكانى عايش معاكم فى المنشاة الكبرى التابعه لكفر شكر قليوبيه واخيرا تحياتى لكل من قى المنتديين

وسلامى وتحياتى للطير المهاجر بالله عليك وانت فى الغربة مش دى حاجه تفرحك بتعرف اخبار بلدك اول باول
شجعهم خليهم يتوا صلوا لعلك تستفيد من ايا منهما وطالما انت فى ايطاليا فسلامى لكل من فى ايطاليا ان امكنك واعادك الله ونحن الى اهلك سالما من كل سوء

مشكور أستاذ جمال
ومنور وسط اهل بلدك بجد
واسعدنا تواجدك ومشاركتك لينا
وكلامك ده فعلا هو هدفنا
انى نتواصل جميع ابناء قريتنا فى مختلف الدول
ونشارك براينا ونوصل صوتنا لكل العالم

تحياتى لك معلمى الفاضل

اتمنى لك الصحه والعافية
وان تعود لنا بسلام وموفق باذن الله

شكرا ليك استاذ جمال

واحنا واصلنا بالفعل

لكن كان لزم انى ارد عليه

أ بنا ئى الأ عزاء مؤ سسى المنتديين لقد أ هديتم لأ بناء بلدكم الحبيب المنشا ة الكبرى
بالدا خل والخا رج وبالفعل أ حدثتم تواصل كان مفقو دا وكا ن مطلو با وبشدة
فشك را جزيلا لكم على هذا المجهو د الرا ئع
أما الا بن البا ر الملقب بالطير المها جر ان جاز لى أن أخا طبه كاب أو كأستاذ له
أحب أن أقول له -لقد شهدت بنفسك على أن المنتدى عمل طيب فا ذا كا ن الابن أحمد سا لم
اجتهد فى عمل منتدى اخر حتى لو كان بنفس الا سم فقد زاد الله الخير خيرين وأوجد منافسة
شريفة فليتك تشا رك فى المنتديين بل كان من الواجب عليك أن تشكره وتشجعه
ثم توجه نصا ئحك بأسلو ب راقى لأن النصيحة تأ تى بثما رها اذا جا ء ت من صديق
وفى النها ية لك تحيا تى وسلا مى وسلا م أهل القرية جميعا وللا ستا ذ وائل الحنا وى
أقو ل لم أكن أتو قع أ بدا أن يكو ن ردك بهذه الشدة فأ نا أعرف أنك انسا ن دمث الخلق
فكن دا ئما واسع الصدر --- واعلم أنك قدو ة وكبير فى المقا م
أشكركم جميعا وعلينا جميعا أن نرقى بلغة الحوا ر فنحن نتحدث والعالم كله يرا نا
والسلا م عليكم ورحمة الله وبركا ته

شكرا للحاج رمضان خليفه والاستاذ جمال معوض على خلق روح المحبة والتعاون بين اعضاء المنتدى

اعجاب وحزن شديد

اعجاب وحزن شديد

مواضيع مماثلة

مواضيع مماثلة