بطيخة الحب

موضوع: بطيخة الحب الإثنين يوليو 05, 2010 7:14 pm

ومالكم مستغربين كدا ... أه بطيخة الحب ياتطلع حمرا ياتطلع قرعا

وكل البطيخ ممكن يتكسر الا اللي جوا البني ادمين صعب قوي

نكتشفه حتى بعد سنين جواز تلاقي نفسك لسه بتكتشف الطرف

التاني وكأنك ماتعرفوش وعلى العموم الكلام دا يريح قوي الناس

اللي بتحب المفأجات ( المفاجآت يعني )

نخلونا بقى في بطيخة الحب ياساده

أيام الخطوبة تلاقي الراجل عينيه تنيم اللي بيكلمها وصوته وكلامه

موسيقى ولا بيتهوفن ولاياني واحسن حاجه الكرم الزايد والكلام

الجميل المعسول

والجميل انه بيعرف فين يرمي الكلمه وتلاقيه نفسه يخطف كلمه او
نظره ويحاسب قوي على كلامه وكل شويه يتصل ويشحن ويخلص
شحن ( وشركة الاتصالات تدعي بزيادة المحبين منفعه ) والصبح

يقول صباح الخير والظهر يقول مساء الخير وبالليل تصبحي على

خير ياروحي

وعلى فكره مش كل الرجاله كدا بس فيه ناس ايه استاذه ورئيسة

قسم في التمثيل بجدارة يحسس البت بقى انه الفارس المنتظر

وانها هاتاخد سبع الليل

وهاتدوق النعيم قبل الجنة وماعلينا

بس البنت بقى فترة الخطوبه ليها وضع تاني خالص يمكن الراجل
بيبقى مفقوس شويه لكن اتفرج بقى على البنت واللي بتعمله على
سنجة عشره دايما يشوفها

(وبعد الجواز شايله مقشه على راسها ) وياسلام على الركه (

الرقه يعني ) والكلام من تراتيف تراتيف اللسان الكلام طالع

بالعافيه يااخواتي والراجل يحس بقى اييييييييه ان الدنيا هاتنور
وتبقى فل معاه ويعزمها مثلا على الغدا ولا العشا طبعا في الخطوبة
بيكون بقها ومعدتها معدة عفاصير (عصافير يعني ) وممكن كوباية

الميه تقضيها وزتونه صغنونه ( على فكره بتتحول بعد الجواز

ومش بعيد تاكل الراجل ) ماعلينا برده ممكن تشرب الشوربه

بالشوكه وهيا بتمسح بقها بعد الأكل كأنها بتبوس المنديل مش
بتمسح ( ممكن بعد كدا تمسح في كمها عادي ) وتفضل وديعه

ويفضل وديع لحد مالفرح يخلص ويتقفل الباب وبعد كدا يبدأ

المسكين في تلقي الصدمات على ودنه وممكن يحاول يحط سكر

على البطيخه بس ابدا قرعا قرعا

وتعرف المخطوبين وهما في الشارع ماشيين خلاص هايلتحموا في

بعض وبعد الجواز تلاقيها ماشيه قدام وهوا وراها او العكس المهم

مش بتقاطعوا في نقطة واحده

الخلاصه من الكلام دا كله ايه وفيه اكتر منه والله

اللي عايزه اقوله لكل راجل تراعي ربنا والبنت كمان تخلي بالها

كويس قوي لأنها المتضرر الأكبر من الصدمه دي

يعني خليكي على طبيعتك وخليكي عاديه جدا لأن الوحيد اللي

هايشوف القرف كله هوا زوجك واللي هايشوفك في صورة خاصه

جدا واجمل مافيكي برده هوا يبقى نكون متوازنين ومالوش لازمه

الدلال الزايد والاتيكيت الفاضي ونعيش عيشة أهلنا

ومافيش اجمل من البنت الطبيعيه بس تكون ذكيه ازاي لو جوزها

وزير تتعامل معاه وزاري ولو هو فلاح تقعد معاه على الأرض لازم
تتكيف بس مش تتكلف

وفيه فرق كبير في اللبس والتعامل والأكل والحركات كله يكون

بحساب وكمان لاتكون فولجر قوي ولا هانم قوي

والله كله بيضيع بالغسيل

بس لما تطلع البطيخة قرعا هايدور اكيد على بطيخه تانية

وهايكون اتعلم الدرس كويس قوي والرجاله على فكره بتفهم قوي

قوي يارب الرسالة تكون وصلت

[/center]
[/size]

والستتات بتفهم أكتر يا محمد

ياعم انت لسه على البر وبتقول كده ادخل دنيا الأول علشان تشوف هتلقيها حمرة ولا قرعة

هههههههههههههههههههههههههههههههههههههههههههههههههههههههههههههه

الموضوع جميل

ولكن حضرتك اتكلمت

على نصف البطيخة

وهى المرأة

ولكن لم تتحدث عن النصف الآخر وهو الرجل

فهناك أنواع من الرجال

تكتشف شخصياتهم الحقيقية بعد الزواج

وتفاجأ الزوجة بأنها تزوجت إنسان آخر

وهنا تكون المصيبة الكبرى

لأن الزوجة تصبح لا حول لها ولاقوة

فهى أسيرة الزوج

ولكننى أعتقد أنه يفضل المصارحة

والمكاشفة والمصداقية

بين الخاطب والمخطوبة

حتى تكون البطيخة كلها حمرا

أقصد أن تكون الحياة هادئة ومستقرة

تسلم ياباشا على الكلام الجميل ده وانت مش سايب حق المرأة يتهضم جزاك الله خيرا

مشكور استاذ شحتة

وعندك حق اكيد فى كل كلامك

وبعدين الرجاله غلابه والله

معظمهم

علشان نكون صريحين

السلام عليكم و رحمه الله و بركاته
و الله انت لسه ما دخلت دنيا يا واد و لا انا بس انا مش معاك فى نقاط محدده
انا مش عارفها دلوقتى
ابس حبيت اسجل انى معارض
ليك مش ل----- اللهم احفظنا
نتكلم شويه جد بقى
للامانه العلميه انت كلامك فيه تحيل كبير على المراه الاستاذ شحته حاول يعدل الكفه و للكن
البطيخه ممكن لو قرعه تحمرها و حمره تحمرها اكتر\
اقصد ان الموضوع ممكن يكون فى ايدك انت
و الله على ما اقول شهيد
و السلام عليكم و رحمه الله و بركاته

اكيد ياهيما
عندك حق
منور المنتدى ياهيما ويارب دايما معانا

منوره باهلها دايما يا رب

بطيخة الحب

بطيخة الحب

مواضيع مماثلة

مواضيع مماثلة