ازاى تنتقم من حبيبتك ؟؟!!..وازاى تنتقمى من حبيبك؟؟!!

ازاى تنتقم حبيبتك ؟؟!!..وازاى تنتقمىإحنا نهارنا أبيض ولا حاجه ؟؟

بصوا بقى ؟؟

بصيتوا ؟؟

سيبكم من اللي يقول لكم المسامح كريم والحاجات دي..

أمال دموعك اللي غرقت المخدة
ملهاش تمن؟.. تسوى إيه وقفتك في البلكونة طول الليل - في عز طوبة وامشير -
لغاية ما جالك "إنفلونزا الطيور" وإنت بتبص للقمر والنجوم وبتفكر في حبيبك
اللي خانك وبعد عنك..
تسوى إيه نظرة العطف والإشفاق اللي أصحابك بيبصوا لك بها وهما بيمصمصوا
شفافيفهم ويقولوا "لا حول لا قوة إلا بالله يارب.. الواد/ البت،اتغير
حاله/حالها!"

لا وألف لا

دعونا ننتقم.. العين بالعين والسن بالسن.. والقلب بالقلب.. والبادي.. يا ويله يا سواد ليله.. استعنّا ع الشقا بالله..

** الطريقه الأولى : ( للأولاد)

الطريقة دى مستوحاه من الراحل "سيد درويش .. لما حبيبته سابته فضل
يغنى أغنيه ليها على كل مقاهى الإسكندرية لغاية لما بقت سيرة البنيه على
لسان كل واحد في الإسكندرية، فرجعت له تعتذر وتطلب منه إنه يسامحها
ويرجعوا تانى لبعض ...

ده بقى اللى هتعمله بالظبط ..أول حاجه تكون عندك حنجره ولا عمرو دياب ف
زمانه (بتعرف تغني يعني..)ولا حتى مابتعرفش.. مش مشكلة.. كده حتى هتكون
بتنتقم من المجتمع كله!.. بعد لما تتاكد ان حبيبتك خلاص باعتك وباعت حبك
عند أقرب محل مجوهرات.. وأنها وافقت على الارتباط ب"سيد بيه السيد" اللى
أكبر منها ب 63 سنه لمجرد أنه رجل أعمال وحرامي كبير أد الدنيا.. هتروح
أنت إلى "أبو دومة ساوند".. صاحب أكبر الاستديوهات التي قدمت لنا دور
الغناء الشعبي الحديث.. هتتفق معاه وتديله .. 600 جنيه و4 كيلو كباب في
مقابل أن يسجل لك الشريط..

الأغنية ال"هيد" لازم تكون عن حبيبتك الخائنة وبالاسم.. سيبك من التوريه .. هو احنا جايين ننتقم ولا نهزر؟!

كلمات الأغنية لازم تكون قوية من نوعية "ليه سبتني ليه يا "يسرية" -ده اسم
حبيبتك الخائنة-" مش كنت استنيت شوية عليّ.. كده تبيعيني مع الواد سيد
كده.. هو أنت ماعندكيش قلب ولا شكلك كده.. .يا يسرية!".. الأجمل بقى لو
كان عندك ليها صوره شخصيه .. لازم تحطها ف البوستر الخاص بالدعاية للشريط
وأنتقاعد تبصلها بصة الانتقام وهيا ف قفص الاتهام .. وطبعا هتسمي الشريط
"أمير الانتقام.. من يسرية"!

بس خلاص

أى خدمه يا جماعه .. إتنين جنيه بس

** الطريقة التانيه : ( للبنات )

نطلع بقى الانتقام الأنثوي.. بعد ما تتأكدى أن "أحمد" بيخونك مع كل
صحباتك البنات ويوهم كل واحدة منهن بأنها "الحب الحب.. الشوق الشوق ..
بولبيف بولوبيف ".. وهو متصور أنك هبله ومش عارفه حاجه ف البطيخ ولسه
بيمثل عليكى دور العاشق الولهان.. هيبقى الانتقام كده تمام .. اشتري خط
تليفون محمول جديد "الموضوع مش هيكلف بكتيره 2 جنيه ..بعد ما بقى
الموبايل ف يد الجميع !" وكارت شحن بعشرة جنيه ..كفاية عليه كده مش
هيستحمل أكتر من كده!"..

بعد كده بقى غرقيه رسايل "S.M.S" معتبرة من نوعية "يا هادي في رنتك وراسي
في كلمتك وتقيل في مشيتك وحشتني كتير مناغشتك" و"على الحديدة ما عندي ولا
رسالة جديدة بس أحبك هذه هي الكلمة الأكيدة".. ولأن "أحمد" من إياهم
..هيسيح ..وهيحاول يتصل برقمك الجديد طبعا .. طبعا مش هتردى عليه ابدا..
وبعد أن تكون الرءوس قد أينعت -كما قال "الحجاج بن يوسف الثقفي"- وحان وقت
قطافها.. ابعتيله رسالة مختصرة "عاوزة أشوفك.. في المكان الفلاني والوقت
العلاني"..

مش هيستحمل وهيندلق زى الجردل وهيروح على هناك جرى وهوا لابس القميص
الكاروهات والبنطلون الجينز الأزرق الذي اتفقتم انه يلبسه عشان تعرفوا
بعض.. وطبعا مش هتروحى إنتى.. لكن هتبعتيله اخوكى "عبده مجانص" بطل كمال
الأجسام في "الوراق" بعد ما تكونى قولتيله إن ال"أحمد" ده بيطاردك كل يوم
برسائل غرامية ملتهبة.. واخوكى هيقوم بالمهمة نيابة عنك.. بس ميبقاش قلبك
قاسى للدرجه دى..وإتصلى بالاسعاف بعد ما أخوكى يخلص مهمته بعشر ساعات كده

ايه رايكم ف الافكار دى؟؟؟؟؟؟؟؟

اكيد انت يامحمد مالنوع اللى زى احمد كده

شكلك كدك دي قصتك ولا ايه بس مين هي قول متخفش

انت رجعت تانى يا محمد احنا مش كنا خلصنا الموضوع ده
ولا البمه جامدة قوى

هههههههههه
شكله متظبط من واحده تمام يا محمد
واكيد ما سالت عليه ولا اتصلت بالاسعاف

ايه هو الاستاذ / نادر بيسخنكوا عليا
ولا ايه
؟؟؟؟؟؟؟؟؟؟؟؟؟؟؟؟؟؟؟؟؟؟

اقتباس :: هههههههههه
شكله متظبط من واحده تمام يا محمد
واكيد ما سالت عليه ولا اتصلت بالاسعاف

تعرفى عنى كده يافله

mohamed safwat (الخميس ديسمبر 16, 2010 8:42 am) كتب:: اقتباس :

هههههههههه
شكله متظبط من واحده تمام يا محمد
واكيد ما سالت عليه ولا اتصلت بالاسعاف

تعرفى عنى كده يافله

هههههههههههه
انت ابو كده يا محمد
بس يسريه بقي مش قلبها قاسي للدرجه
هههههههه

انا طبعا بهزر يامحمد
انت كده وكده مش كده خالص

ازاى تنتقم من حبيبتك ؟؟!!..وازاى تنتقمى من حبيبك؟؟!!

ازاى تنتقم من حبيبتك ؟؟!!..وازاى تنتقمى من حبيبك؟؟!!

مواضيع مماثلة

مواضيع مماثلة