منتدى المنشاة الكبرى
مشــمش و حـنـكش و هــشهــش 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا مشــمش و حـنـكش و هــشهــش 829894
ادارة المنتدي مشــمش و حـنـكش و هــشهــش 103798
منتدى المنشاة الكبرى
مشــمش و حـنـكش و هــشهــش 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا مشــمش و حـنـكش و هــشهــش 829894
ادارة المنتدي مشــمش و حـنـكش و هــشهــش 103798
منتدى المنشاة الكبرى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى المنشاة الكبرى

 
الرئيسيةالبوابةأحدث الصورالتسجيلدخول
goweto_bilobedوظائف شاغرة 16/7/2014مشــمش و حـنـكش و هــشهــش Icon_minitimeالأربعاء يوليو 16, 2014 12:48 am من طرفgoweto_bilobedوظائف شاغرة 4/7/2014مشــمش و حـنـكش و هــشهــش Icon_minitimeالجمعة يوليو 04, 2014 6:49 pm من طرفgoweto_bilobedمحاضرات فيديو في هندسة الزلازل وتصميم المنشأت لمقاومة الزلازلمشــمش و حـنـكش و هــشهــش Icon_minitimeالإثنين يونيو 30, 2014 9:40 pm من طرفgoweto_bilobedوظائف شاغرة 26/6/2014مشــمش و حـنـكش و هــشهــش Icon_minitimeالأربعاء يونيو 25, 2014 10:12 pm من طرفgoweto_bilobedوظائف شاغرة 18/6/2014مشــمش و حـنـكش و هــشهــش Icon_minitimeالثلاثاء يونيو 17, 2014 10:48 pm من طرفgoweto_bilobedوظائف شاغرة في السعوديةمشــمش و حـنـكش و هــشهــش Icon_minitimeالخميس يونيو 12, 2014 11:42 pm من طرفgoweto_bilobedوظائف شاغرة متنوعةمشــمش و حـنـكش و هــشهــش Icon_minitimeالجمعة يونيو 06, 2014 1:16 pm من طرفgoweto_bilobedجداول امتحانات نصف العام محافظة القليوبية مشــمش و حـنـكش و هــشهــش Icon_minitimeالأربعاء ديسمبر 04, 2013 6:57 pm من طرفgoweto_bilobedتابعوا معنا مسابقة الهدى والنور 2013 مشــمش و حـنـكش و هــشهــش Icon_minitimeالسبت أغسطس 24, 2013 9:11 pm من طرفgoweto_bilobedالان نتيجة مسابقة الهدى والنور للقرآن الكريم مشــمش و حـنـكش و هــشهــش Icon_minitimeالثلاثاء يوليو 09, 2013 12:24 pm من طرفgoweto_bilobedأفكارنا هي السبب الرئيسي لأمراضنامشــمش و حـنـكش و هــشهــش Icon_minitimeالسبت يونيو 29, 2013 5:58 pm من طرفgoweto_bilobedالان نتيجة الاعدادية بالاسكندريةمشــمش و حـنـكش و هــشهــش Icon_minitimeالسبت مايو 25, 2013 3:29 pm من طرفgoweto_bilobedتفعيل النسخة المحموله من منتدى المنشاة الكبرى مشــمش و حـنـكش و هــشهــش Icon_minitimeالإثنين مايو 20, 2013 11:45 am من طرف

منتدى المنشاة الكبرى  :: المنتدى الأدبى :: القصة والرواية الادبيةشاطر | 
 

 مشــمش و حـنـكش و هــشهــش

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
بسنت
مشرفة
مشرفة
بسنت

انثى عدد المساهمات : 332
نقاط : 15076
تاريخ التسجيل : 11/02/2011
العمر : 32
المزاج على حسب

مشــمش و حـنـكش و هــشهــش Empty
مُساهمةموضوع: مشــمش و حـنـكش و هــشهــش    مشــمش و حـنـكش و هــشهــش Icon_minitimeالإثنين فبراير 14, 2011 9:17 pm

******...مشــمش و حـنـكش و هــشهــش ... ******



بســم الله الـرحمــن الرحيــم..



السلام عليكــم ورحمـة الله وبركاتــة ،،




أثناء وجودى بأحد الأماكن العامة لحضور مناسبة خاصة مع لفيف من الأهل و الأصدقاء و المعارف .. و اللى مش معارف



و بينما كنا نجلس حول الطاولة .. لنلعب شطرنج و طاولة ..



إذا باحدهم قد بدت عليه أثار السكر فقام و قال:-


حدثنا مشمش بن فشار عن حنكش بن منشار عن هشهش زوج جلنار انه قال لكركش بن بكار



أنا شوفت ناموسة شايلة جاموسة بتعدى بيها من تحت الباب..يبقى أنا كداب ؟؟..


فنظرت اليه و لم أنطق بشىء ..


الا انه لم يعط أى اهتمام لتلك النظرة .. بل أنه قد إستأنف حديثه قائلا:-


لقد حارب أبى التتار و هو راكب على حمار ..!!


فإنفعلت و لكنى كظمت غيظى ..



فجاء حنكش بن منشار و قال ..


عمى طرد الإنجليز بقيادة جيش من المعيز




و هنا لم أتمالك نفسى من الغيظ ..



فإنتفضت إنتفاضة الذعر


ووقفت فى مكانى


و صحت قائلا :-







حد يسكت الراجل السكران ده يا جماعة ..





فصاح فى كبيرهم و قال ..




إجلس يا صغير يا جربوع .. فإنك لا تعرف الكوع من الكركوع ..و ان لم تسكت حرمناك من الطعام و أذقناك حسرة الجوع






و عندما يتحدث الكبار .. ينصت أمثالك من الصغار ..



قلت بينى و بين نفسى لهذا الكبير .. يالك من شنقيط وحقير !!!



و إذا بهذا الكبير يشير إلى أحدهم و يعطيه إشارة البدء بالكلام




فقام هذا الشبل ..و هو أشبه بالشنشخل .. و قال:-








حدثنا الكبش بن السنونو أنه سمع فراشة بتنونو و ديك بيهوهو


وحدثنا البغل بن طفشان انه نام بالأمس بجوار أسد جوعان


وحدثنا الفحل بن ترباس انه يعمل عند الملك كخادم و كناس


وحدثنا الظاهر بن أم شنتوح إنه أجري لنفسه عملية قلب مفتوح






فشعرت بشىء غريب يحدث من حولى وودت ان أتكلم .. و لكن ..






أشار كبيرهم مرة أخرى إلى شخص يجلس القرفصاء و بجواره إبنته الجميلة العوارء ..




فقام قائلا:-





حدثنا الطافش بن زعلان عن الناعس بن جوعان عن الهارب بن عريان عن الكعكع بن خرمان أنه بعد أن تناول البيتزا فى ميدان لبنان .. و شد له حجر تفاح فى كافيه أبو عدنان توجه الى وادى الباذنجان و حارب كل من الفرس و الرومان و أسر منهم ألاف الجوارى و الغلمان و أتى بهم الى قصره فى شارع الطيران





فشعرت و كأن ضفدعة تغوص داخل رأسى..




فسألت كبيرهم


من هؤلاء:-


قال لى هم أصدقائى لا أفصح عن أسمائهم و هم من أماكن عدة





قلت له

منين البشوات؟؟


قال لى..





بعضهم يعيش فى المهندسين .. و يعمل قائدا للمتسولين


و بعضهم من شارع فيصل فوق كوافير عزة المهيطل


و البعض من الهرم حيث أهل الجود و الكرم



و منهم واحد يقيم مؤقتا فى الجيزة لدى عمته و تدعى عزيزة..حيث أنه يشعر بالحب تجاه إبنتها اللذيذة..



و هذا يقيم مع شقيقه فى بولاق حيث لا يوجد أكل ينداق ..


أما هذا .. فيقيم فى شارع غريب اسمه "أنا مالى" و يعانى من البواسير و الدوالى ..


و ذاك يقطن فى الزمالك.. فى قصر جده المتهالك ..


و ذاك فى المقطم .. و فى المواصلات دايخ و متلطم ..



وأشدهم سكرا كان يقيم فى المعادى و غادرها لأجل الأعادى .. و رغم انه يعانى من التبول اللاإرادى.. لكنه بيعتبره شىء عادى ..


و منهم من هاجر الى السويس و يتاجر فى السوسيس بعد ان غير نشاطه من تربية المعيز الى زراعة الجميز بعد ان هلكت صحته من كثرة أكل المايونيز ..













قلت له..







ما شاء الله..




أفادكم الله ..



انت كده ما أفدتنيش باى حاجة...





قال لى


أتسخر منا أيها الفرنكوش الشنشكركوط ؟؟




قلت له ..آه .. بأسخر منكم و من كل الكلام العبيط اللى قولتوه ..





قال..




طب يللا إتحفنا بما لديك.. و أفرغ لنا ما فى جعبتك



فقلت



بسم الله





حدثنى أبى فقال :-


إسمع يا أبا الأبطال (اللى هو أنا) ..


قلت له .:-


.سمعا و طاعة يا أبا الأبرار .. ..


فقال أبى :-


حدثنى أبى( اللى هو جدى) فقال :-



يا أبا فانوس .. فكر قبل ما تدوس


و إبتعد عن الفشار المنحوس فأنت لا تعلم دواخل النفوس ..


و دعك من ابو عقل ملحوس .. و اتركه فريسة للناموس ..


و لا تتكلم الا بعد أن تعلم ماذا تقول و لمن تقول و عمن و لماذا تقول






فقال لى الشخص الذى يدعى كبير القعدة:-



و انت بقى فلحت و اتعلمت من أبوك الكلام اللى قالهولك ؟؟


فقلت له .. لا..


للأسف لم أتعلمه منه




فسألنى



لماذا أيها البعطوش ؟؟



فقلت له


اننى كنت فى ذاك الحين أدرس الثانوية العامية و مشغول بأكل الملوخية و البامية و مبتعد عن أى حوارات أو مناقشات قد تدخلنى فى مغارات..


و عندما أنهيت الثانوية العامة..


كان الوقت قد فات ..


حيث أن والدى الحبيب كان قد توفى و مات !!!



إلى أن وجدت ضالتى بجوار حجرتى .. حيث يسكن شخص ما ..



و كنت الى وقت قريب أراه و لااعرف إسمه او صفته ..



الى أن عرفت مؤخرا أنه أحد المشاهير ممن يقومون للدين بدور كبير و يحرمون لبس البادى و دهانات الماكياج و المانيكير .. ..و فى مرة من المرارير .. سمعت منه قول قصيــــــر .. ..



سمعته ذات مرة يقول :-



















لولا الإسناد..لقال من شاء ما شاء






فنظرت اليه كما ينظر تاجر القلقشند الى افراد الجندرمة من فئة القشتالية



و قلت له:-


مش فاهم حاجة .. أرجوك بالراحة عليا ..



فقال لى



يا بنى


لا تتكلم بكلام دون ان تعرف مصدره و يكون مصدر ثقة و الا اصبحت كل حياتنا مليئة بالأكاذيب و الشائعات و هو بالفعل ما نحن فيه واقعون
..




قلت له.. بارك الله فيك و زادك علما و نفعك و نفع بك ....




فنظر الى كبير القعدة و قال ..



إخرجوا هذا الكرسوع المسروع أبو صوت سرسوع و ضعوا فى فمه كوزا من الكركديه المنقوع

ثم اخرجوه من هنا حتى لا يفسد علينا مجلسنا ..







******************************


انتهت القصة الى هذا الحد



و كل ما قصدته بهذا الكلام الكثير الطويل انى أقول ان المفروض محدش يتكلم فى حاجة مش بيفهم فيها الا لو كان ناوى يتكلم مع حد فاهم الحاجة دى عشان يفهمهاله ..

و اللى يتكلم كلام يبقى له فايدة او على الاقل له معنى ..


و مش معنى ان اللى بيتكلم ده شخص معاه مؤهل عالى او مهندس او دكتور او حتى استاذ فى كلية الطب .. كل ده مش مبرر اننا نقبل كلامه بدون ما نتحرى دقته خاصة اذا كان كلام يقبل الشك ..

ومحدش كمان يفتى فى شىء بغير علم ..

كنت من اسبوع فى عيادة طبيب امراض قلب و فوجئت ان الممرض او الراجل اللى بياخد الفلوس مشغل العيادة كأنها عيادتين ..الدكتور جوه بيكشف قلب و شرايين ..

و التمرجى بره بيكشف رمد و عيوب ابصار !! و الله بجد حصل و اتصدمت جدا لما سمعته بيشخص ازاى و هيودى الناس فى داهية. كل ده لمجرد انه شغال بالنهار سكرتير فى مستشفى الرمد..


ده غير حوارات المترو و الميكروباصات تلاقى ام عباس بتنصح ام بسيونى باستخدام اقراص كذا و كذا لعلاج كذا و كذا..


و نصحى افندى شغال نصايح فى زميله فى الشغل المهندس بطرس و يقول له .. انت تسمع كلامى و سيبك من اى حاجة تانية و متسمعش من حد غيرى



و تلاقى واحد ينقل أخبار مهواش متأكد من مصدرها..

و لو سألته منين الكلام ده يقول لك من حنكش و هشهش و طفشان و زعلان و خرمان و اسماء ناس محدش يسمع عنهم و مش بما اننا منعرفهمش اذا ليس لديهم مصداقية لدينا ..



و واحد تانى تسأله منين الكلام ده.. ايه مصدره ؟؟


لو ناصح شوية..يقول لك من مصدر موثوق منه]..



موضوع الاسناد ده مش مهم للأحاديث الشريفة و بس

لالا



حياتنا كلها محتاجة أسانيد لكل حاجة بتتقال


و احنا بلد الاشاعات و شعب الاشاعات



*اشاعة تغيير الوزارة من حين لاخر بل أن بعض الصحف نشرت أسماء الوزراء و المحافظين الجدد!! و مر على ذلك سنة و نصف !! و لم يحدث ..



*اشاعة المياه ملوثة (من حوالى سنتين). تقريبا لصالح شركات المياة المعباة ..



*اشاعة فلان من المشاهير مات " و ديه شوفتها مرة على الشات بالليل و انتشرت بين حوالى 500 شخص قى ساعة زمن"

*اشاعة فلان عمل كذا..او معملش كذا ..


و كل ده بسبب اننا بناخد اى كلام من اى حد و نردده و خلاص دون تفكير فيما نردد



و ده المبدا اللى بتعتمد عليه الصحف التافهة اللى همها كله تحقق نسبة مبيعات بغض النظر عن اى شىء أخر..




و اللى ناس كتير مش عارفه ان الاشاعات دى مصدر للقلق او تخلى الناس تاخد قرارات غلط و ممكن يتحملوا تكاليف اشياء هم فى غنى عنها ..


جرب او جربى تقفوا قدام بائع صحف.. واقراوا عناوين الصحف خاصة الصحف الخاصة الجديدة..(فلان هرب- فلان حرامى-فلان بقى وزير - ننفرد بنشر فضيحة فلانة بالصور)



و تلاقى اللى بيقروا العناوين دول اما حاجة من 3






يا ينبهر و يشترى الجريدة او المجلة و يلاقى الخبر مشوش جدا ...



لو ميقدرش يشتريها..يمشى فى الشارع يحكى عن الخبر و انه مؤكد جدا و طبعا بيضيف له شوية بهارات و تحابيش و اللى بياخد الخبر منه يعمل نفس الشى لحد ما الموضوع يتحول الى موضوع اخر تمام لا يمت للأصلى باى صلة مع العلم ان الخبر الاصلى خبر مضروب !!




و النواع الاخير.. الشخص العاقل اللى مش يلتفت للكلام ده الا لو شك بخطورة ما او خبر يهمه..

فى الحالة دى من الأفضل انه يستعلم من الجهات المختصة و ده و الله مش صعب نهااااائى و انا جربته كذا مرة أيام ما كنت بشترى جرايد..






و الاشاعات بلا شك تعتبر نوع من الكذب المنهى عنه شرعا و بيقوم به فرد او اكتر بهدف جلب نفع أو دفع ضرر أو الاثنان معا ..




و الحديث الشريف بيقول


"....... و إن الرجل ليكذب و يتحرى الكذب حتى يكتب عند الله كذابا"


و الشعر الإسلامى يقول :-




قال أبو حنيفة الإمام .. لا ينبغى لمن له إسلام

أخذا بأقوالى حتى تعرض .. على الحديث و الكتاب المرتضى


*****


و مالك إمام دار الهجرةِ .. قال و قد أشار نحو الحجرةِ

كل كلام منه ذو قبولِ .. و منه مردود سوى الرسولِ


****


و الشافعى قال إن رأيتموا .. قولى مخالف لما رويتموا

من الحديث فإضربوا الجدار .. بقولى المخالف الاخبار

***

وأحمد قال لهم لا تكتيوا .. ما قلته بل أصل ذاك فإطلبوا










و المثل بيقول





خذوا الحكمة من أفواه الحكماء


و إستقوا العلم من العلماء


و إدى العيش لخبازه !!!





نأسف على الإزعاج


--------------------
...

الرجوع الى أعلى الصفحة اذهب الى الأسفل
مدحت خليفه
رئيس مجلس الادراة
رئيس مجلس الادراة
مدحت خليفه

ذكر عدد المساهمات : 3265
نقاط : 30959
تاريخ التسجيل : 06/01/2010
العمر : 45
المزاج تمام الحمد لله

مشــمش و حـنـكش و هــشهــش Empty
مُساهمةموضوع: رد: مشــمش و حـنـكش و هــشهــش    مشــمش و حـنـكش و هــشهــش Icon_minitimeالثلاثاء فبراير 15, 2011 10:08 am
الرجوع الى أعلى الصفحة اذهب الى الأسفل
https://almonshatalkobra.ahladalil.com/forum.htm
 

مشــمش و حـنـكش و هــشهــش

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

(( [مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ] ))


صلاحيات هذا المنتدى:لاتستطيع الرد على المواضيع في هذا المنتدى
منتدى المنشاة الكبرى  :: المنتدى الأدبى :: القصة والرواية الادبية-
انتقل الى:  

©phpBB | Ahlamontada.com | منتدى مجاني للدعم و المساعدة | التبليغ عن محتوى مخالف | آخر المواضيع