فيها ايه لو اكون انا الريس

بصيتلك يا مصر بعيني وكأني انا الريس
لقيتتك يا مصر منداسة وشعبك هيس
حاولت اصلح عيوبي وابقي حكيم
مالقيتش حل الا اني ابقي كويس

فكرت انزل لشعبي وابقي معاه مسرور
للاسف لقيت شعبي ضعيف مكسور
سألت ليه الضحكه غابت عنه
قالولي عاش سنين عمره ذليل مقهور

بيدعوا عليك ليل نهار وايه السبب
لانك رضيت يحصلهم العجب
غبت عنهم كتير من غير سؤال
ودلوقتي بقو ملطشة والكل انضرب

لما تلاقي الجوع والفقر ماليهم
وانت هناك نايم ولا داري بيهم
ما الشعب عندك عادي غني وكبير
وهما ياعيني بيستنوا الليل يداويهم

لما الفقير يتوه وسط الزحام
ولما الغني يدوس عليه وينام
وانت تبص ليهم بدون تدبير
وفاكر ان كل حاجه تمام

لما تلاقي الطفل يصرخ من الالم
اصل ابوه مات وفي التراب اتردم
مالقاش تمن العلاج في البلد
ماهي الضرورة عندنا تحية العلم

ولا البيوت من كتر ما عدي عليها الزمن
وقعت ومات تحتيها ناس من غير تمن
ولا الشوارع اللي بقت سودا
تمشي قليل فيها تشم ريحة عفن

ولا الحوادث اللي يوميا يموت فيها ناس
مرة طيارة ومرة عبارة وميكروباص
ولا قطار الموت بينقلب كل يوم
مش ناقص الا يضربونا بالرصاص

واللي ينطق بالحق هنا يتجلد
واللي يخترع حاجه يهج من البلد
والمحسوبية والرشوة زادت
اصلنا شعب وراثي من امد

ولا الشباب اللي نصه بيدمن ليل نهار
ونصه التاني من قلة الشغل تايه ومحتار
اصل الغني طلع ابنه وزير عادي
وابن الفقير طلع غفير وحمار

واللي يعيش فيها وهو منحرف
دا فوق دماغهم عايش عيشة ترف
ولو حد فكر يتوب ويمشي في السليم
ياخدوه قوام ويرموه في السجن بقرف

والشعب قالها كلمة اخيرة ومن غير خوف
ياريس اتقي الله فينا وفي الظروف
وسيبنا نعيش ايامنا بحرية
لتضحي بينا في العيد زي الخروف

فتحت عيني من حلمي ما لقيتنيش ريس
حمدت ربي اني بخير وكويس
وقولت توبا افكر كدا تاني
انا اعيش حياتي مهيس وما كنشي ابدا ريس

منقول

مشكوووووووووووووووره فله
جميله جدا جدا

شعاع التفاؤل كتب:: مشكوووووووووووووووره فله
جميله جدا جدا

مشكوره على المرور يا شعاع

روعه يا فلة ياله ابقي قدمي وانا هنتخبك

نفسنا بقى وحدة تنتصر وتبقى الريسة هو كلة ريس ريس

الحقوا وطالبوا بكده قبل ما الدستور يتغير

مكن السات تعمل مظاهرة انا الريسة ويتم تعديلها فى الدستور

فيها ايه لو اكون انا الريس

فيها ايه لو اكون انا الريس

مواضيع مماثلة

مواضيع مماثلة