نصيحة لكل ست متزوجه

السلام عليكم ورحمة الله وبركاتة

ازيكم ياستات ياحلوين

فى موضوع بشوفة كتير ونفسى اتكلم فية

انا كتير بشوف ستات

من اقل حاجة جوزها يقولهلها

تروح بيت ابوها

وفى ستات بحس انهم

مش متجوزين

لازم كل يوم يروحوا لاهلهم

وبيباتوا عندهم بالايام

انا بجد بضايق جدا من الستات دة

لازم الست تبقة عقلة

مش اى كلمة جوزها يقولهلها

او اى خناقة بسيطة

تلم هدومها وتروح عند بيت ابوها

ولية الست تسيب بيت جوزها

وكل يوم تروح عند اهلها

ولا كانها اتجوزت

وكأنها مسئولة عن

بيت

زوج

اولاد

موضوع الغضب دة باة

الرجالة مابقوش زى زمان

رجالة زمان

الست كانت اول ماتروح بيت اهلها وتغضب

من تانى يوم علطول هو اللى يروح يجيبها

ويصالحها ويحايلها

ويقولها احلى كلام رومانسى

ويبقة عايز يعمل اى حاجة علشان يرجعها

ويجيبلها هدايا

علشان توافق انها ترجع معاة

وكانت ست تدلع علية زى ماهيا عايزة

وكانت تتشرط كمان

رجالة دلوقت

الست تقول لجوزها

انا هلم شنطة هدومى واروح لبيت اهلى

يقولها

غورى فى ستين داهية

الباب يفوت جمل

ويبقة مبسوط اوى

وبيبقة هاين علية يقولها يلا امشى دلوقت حالا

ولما تروح لبيت اهلها

تقعد يوم

مايجيش

تستنى اسبوع

مايجيش

تستنى شهر

مايجيش

ولو استنت سنة

بردة مش هايعبرها

دلوقت الست

زى مابتسيب بيت جوزها

هى اللى بترجعلة

من غير ماجوزها يعبرها

طب لية الاحراج دة

والرجالة مابيصدقوا

وبيبقوا فرحانين جدا

لانهم طبعا هايقعدوا لوحدهم

مافيش وحدة تزعجهم

مافيش وحدة تقولهم

هات

مافيش وحدة تقولة كنت فين

واية اللى اخرك

بيبقوا مرتاحين اوى

والست بكدة بتدى فرصة لجوزها

انة يعرف ستات غيرها

ويعيش حياتة معاهم

وجوزها يبتدى يبعد عنها

ويبتدى يحب الحياة من غيرها

وممكن جوزها يزهق منها

ومن كتر غضبها عند اهلها

ويجوز عليها

لية تدولهم فرصة بكدة

لازم كل ست تحافظ على بيتها وجوزها

وتستحمل

لان هيا اللى هاتتعب

وجوزها اللى هايرتاح

باستثناء

الست اللى جوزها

بيغلط فيها وبيهينها اوى

ومافيش حل غير انها تروح لبيت اهلها

دة اوكية مسموح لها طبعا

انها تروح بيت اهلها

وماترجعش غير هو اللى ييجى لها ويتاسف لها

بس طبعا الرجالة دول خلصوا

انا كتبت الموضوع دة

لانى شفت نماذج كتير من الستات دة

شفتهم بعينى

امثلة

واحدة ست متجوزة كل يوم تيجى عند اهلها

تبات عندهم اسبوع ولا شهر

وتروح بيت جوزها

تقعد يوم ولا تنين

وترجع تانى لبيت اهلها

فى نموذج تانى

واحدة ولا كانها متجوزة

يوميا عند اهلها

وتيجى بليل تروح

دة حتى الاهل نفسهم بيزهقوا

نصيحة لكل الستات

اوعى تسيبى بيت جوزك

خليكى قعدة على قلبة

الله عليك يا ملاك ياللى مش صامت

هايلة مشاركة فى الجون

فعلا والله أنا بأيد كل حرف وكلمة كتبتيها

وياليت قومى يعلمون

فعلا الحياة اتغيرت وكل شىء اتغير

وكلامك فعلا واقعى جدااااااا جدااااااا

وكلنا بنشوف نماذج من الرجالة غريبة جدا

وكذلك نماذج غريبة جدا من الستات

ولكن فى النهاية بأشكرك على موضوعك الجميل

وعلى أسلوبك الظريف

وأنا من رأيى يجب على المرأة ألاتترك أبدا

بأى حال من الأحوال عش الزوجية

فالخطر كل الخطر فى ذللك لأنها تعطى فرصة

لكل من هب ودب بأن يدلى برأيه

فى مشاكلها التى لا يصح ألا تخرج إلا فى أضيق الحدود

والله خطرت لى فكرة إيه رأيك

يا ملاك ياللى أرجو ماتكنش صامت

أن تنشىء قسم مثلا وتسميه (أهمس فى أذن حواء)

ولك كل الشكر والسعادة مع متعة الأسلوب والحكمة المستفادة

ومنتظرين بجد مشاركاتك الرائعة ومع خالص تقديرى و تحياتى

مشكووووووووووووووووووووووووووووووووووووووور

الله عليك موضوع جاااااااااااااااااااااامد

احمد وهيب شريف

مشكور على موضوعك

نصيحة لكل ست متزوجه

نصيحة لكل ست متزوجه

مواضيع مماثلة

مواضيع مماثلة